Top 5 Anime Hindi Dubbing Teams and Remarkable Works, Hello guys, jaisa ki aap sab jante hai india me anime 2015 tak utna famous nhi hua krta tha MTLB ki kuch gine chune log hi anime dekhte the aur kesi ko bina pta chale kyuki wo jante the ki agr kesi ko pta chala to wo unka mazak udayenge yah keh kr ki ‘ITNA BADA HO GYA HAI SALE ABHI TAK CARTOON DEKHTA HAI’. isi daar ki wajah se mai bhi kesi ko nhi btata tha.
Pr jaise jaise time bitaa aur Jio ki entry hui tab se sara khel hi badal sa gya. Kyuki jio ke aane se smartphone saste ho gye aur internet bhi bohot sasta ho gya. Jisse Anime Fans aaram se internet pr hi anime dekhne lg gye aur jaise – jaise yah aur badha social media me bhi iski community banna start ho gyi.
Jab ye sab community ban rhi thi, tabhi ek Anime Fan Dubbing Team nikal kr samne ayi aur anime ko support kia kyuki unko pta tha ki anime dekhne wale logo india me kam hai kyuki normal logo ko anime aur cartoon me farak hi nhi pta tha to us Anime Fan Dubbing Team ne indian audience ko anime fan dub krke provide kraya taki aur bhi log anime ko samjh sake aur isko support krne walo ki shankhya aur badhe. Aur esa hi hua.
Ek Anime Fan Dubbing Team ne Jab Your Name movie ka hindi dub krke uska bohot joro soro se pramotion kiya tab ye bohot famous ho gyi aur isme pehle hi month me 2 se 4 lakh downloads ho chuke the jo ki anime ki success ki bohot badi jeet thi. aur isi beech aur bhi bohot sari anime fan dubbing team aur Anime fan subbing team nikal ke samne aaana suru ho gyi aur isme bohot log aa kar samil hona suru ho gye.
1. AnimeTm Dubbers (Remarkable Works)
Yah ek team esi hai jiske bare me lagbhag sabhi anime fans jante hai kyuki inhone ne hi Your Name movie ko hindi dub kia hai. Aur inki hindi dubbing bhi sabhi teams se kafi badia hai. Meaning Wise and Dubbing Wise as well.
Is Team ko Mobarak, Ankit, Rajat, aur Tarun ne mil kar suru kia tha aur abhi bhi yah team inke dwara hi manage kari jati hai. Inka youtube pr channel hai AnimeTm Talks nam ka jisme anime se related bohot hi achhe topics yah cover up krte hai.
Ab sayad inka dubbing chhorne ka plan hai kyuki yah illegal to hai hi sath hi sath aur bhi bohot sari Teams aa rhi hai jo ki bohot achha dub krte hai. is baat ki koi confirmation to nhi hai mere pass pr mai andaja lga rha hoon kyuki ab yah log baki teams ke support me thore thore hits dete rehte hai anime social media ke jariye.
Remarkable Works
- Your Name
- Grave of the fireflies
- To the Forest of the Fireflies light
- Erased (All Episodes)
- Death Note (Just 3 Episodes)
2. SuperAnimeX (Remarkable Works)
Yes ye wo team hai jisne anime fans ko One Punch Man aur Mob Psycho jaise bohot hi maze dar anime se introduce krwaya. mai yaha pr unki baat kr rha hoon jo new the anime dekhne me aap jaise Ultra Pro ki Baat nhi kr rha hoon jo din bhaar anime me ghuse rehte hai.
Isko Team ko Govind nam ek bohot hi achha banda manage krta hai. mujhe to lgta hai inke aur bhi bohot bade plans hai jo ki in future ye hame de kr surprise karenge pr filal jo hai usi se kam chala lete hai.
agr inki dubbing ke bare me koi shak hai to ja kr ke kuch anime episode search dekhiye jo inhone dub kiye hai i am damn sure ap sabko fir yakeen ho jayega pr han bhoolna mat ye fan dubbing krte hai to jugad se hi sara kam chalta hai.
Remarkable Works
- Death Note (Episode 18)
- One Punch Man (Episode 1 To 5)
- Dr.Stone (Episode 1 To 3)
- Mob Psycho 100 (Episode 1 and 2)
3. TheOfficalDubbers (Remarkable Works)
Jab har taraf death note ka rona chal rha tha tabhi yah team ayi aur ek esi Anime Movie ki Dubbing Krke Audience ko di ki littrealy 90 percent log isko dekhne ke bad bohot hi jada feel kr le gye. Movie bohot achhi hai mai ye baat janta hoon pr usko hindi dub krne ke bawjood is movie ke emotions ko barkarar rakha jo ki fan dubbing teams me bohot kam dekhne ko milta hai.
esa nhi hai ki sab log kosis nhi krte hai pr inke dub ke dwara kuch jada hi feel aa gya hai is movie me. itna sab sunne ke bad to ap sab samjh hi gye honge ki inki dubbing kitni achii hai isme koi sak nhi hai.
Is team ko Ravi aur Sameer nam ke do bando ke dwara handle krte hai. Hal hi me Makoto Shinkai ki Movie Weathering with You ki hindi dubbing krne ki announcement kr chuke hai ye log aur mujhe lgta hai ki ab tak to kafi kam ho chuka honga movie ka aur jaldi hi hame hindi dub me ye movie dekhne ko mil sakti hai.
Remarkable Works
- I Want To Eat Your Pancreas
- Weathering with You (Upcoming)
4. TheSenmonDubbers (Remarkable Works)
is team ke owner ko Goku ki dubbing krne me bohot hi jada interest tha, aur suru me sirf me goku ke character pr practice krke khud se hi sab kuch samjha aur shikhaaa tha. Pr kuch cheeze hoti hai jo ki jab tak btaya na jaye tab tak samjh nhi ati hai. Jb inhone apne dubbing clips youtube pr dalna suru kia tab inko mixed response ana suru hua jaisa jo ki hota hi hai youtube har baar aur jab dhiree dhiree aur channel grow hua tab haters ana bhi suru ho gye.
Pr un sabko samjhane ke baje inhone aur practice krke aur dubbing ki chhoti se chhoti baat ko dhyaan me rakhte hue apne aap ko piche dub se new dub me improve krne me lage rahe aur jo ki bohot hi achhi baat hai sab log agr itni mehnat aur lagan se kam karenge to faal milna to tay hai.
inhone indian voice fest me bhi participate kia tha pr stage ki ghabrahat se utna achha ho nhi paya performance to inhone se decided kia ki jab tak mai isko jeet nhi lunga tab tak haar nhi maunga. Inka nam Sunny hai. aur sach me in se achha sayad hi goku ke liye koi aur hoga suit krti hai inki voice mujhe to pasand hai isliye maine inko is list me rakha hua hai.
Remarkable Works
- Dragon Ball Super Broly Movie
- Darling in The Franxx
- A Day Before Us Season Zero
- One Punch Man
- Death Note
5. DvTeam (Remarkable Works)
Is Team ki dubbing suru me to itni achhi nhi thi to inke starting ke projects (hindi dub anime movies) itne jada achhe nhi hai pr latest Dubs achhe aa rhe hai. kyuki inke dwara achhi achhi anime movies hindi dub ki gyi hai tabhi inko log jante hai. mai apni baat karun to maine inka Patema Inverted ka Hindi Dub dekha tha tab se inka fan ban gya tha. Dub achha tha aur maze dar bhi. pr fir bhi yah team utni nhi jani jati hai jitni ki baki teams.
Is Team ko Deb Dean aur ZenAyush ke dwara manage kiya jata hai. hai sahi soch rhe hai ap mai hi is Article ko likh rha hoon aur is team me kam bhi krta hoon mai pr mai sabhi team ke bare me jo sochta hoon wohi sab likh rha hoon.
Remarkable Works
Agr apko ye sare Dubs Dekhna Hai to AnimeinHindi.co.in Pr Visit Karen.
- Garden of Words
- Patema Inverted
- 5 Centimeters Per Second
- One Piece Gold
- City Hunter: Shinjuku Private Eyes
Note:- Ye List Ranking Wise nhi hai bs jiska nam yad ata gya uska likhta gya hoon aur mai inko sach me rank nhi dena chahta hoon kyuki ye apne kam apni jagah pr sab mahir hai.
To itna hi hai aaj ke liye agr aur teams ke reviews aur unke bare me janna hai to comment me jaroor btana mai unke bare me bhi pta lga ke likhunga aur agr ese hi uar blog articles ke liye bookmark bna is website ka aur daily visit krna mt bhoolna kya pta kab mai kya likh dunga yaha pr to guys chalta hoon bye, sayonara.
Read More –
